Sa kauna-unahang pagkakataon, sumama na ang talk show host na si Kris Aquino sa opisyal na kampanya ng kanyang kapatid, ang kandidato ng Liberal Party para sa pagkapangulo na si Sen. Benigno “Noynoy” Aquino III, sa Zamboanga City kahapon.
Halos huli na nang isama si Kris sa grupo ng kanyang kuya ngunit ramdam agad ang epekto niya sa kampanya.
Sa airport pa lang kahapon pinagkaguluhan na si Kris.
“It would be hypocritical to say that we are not worried that the competition is catching up but we are confident that [Noynoy] will rise again,” sabi ni Kris.
Sa isang press conference sa Zamboanga City, sinabi ni Noynoy na malaki ang kanyang tuwa at nagpasya sina Kris at ang asawa nitong si James Yap na samahan siya sa kampanya.
Masaya siya na nakatuon ang pansin ng madla kina Kris at James. “They are both helpful. I thank them for taking some of the attention off me,” aniya.