Huwag masyadong umasa na bubuhos ang ulan dahil sa maulap na papawirin, sinabi ng Pagasa.

Simula ngayong Biyernes, maaaring mawala na ang mga ulap at tataas na naman ang temperatura, ayon kay Pagasa weather forecaster Robert Sawi.

Ipinaliwanag ni Sawi na ang kaulapan ay dala ng isang cold front na bunga ng pagsasalubong ng malamig na hangin mula sa hilagang bahagi ng mundo at mainit na hangin mula sa equator.

Kaya hindi magtatagal ang mga pag-ulan sa Ifugao, sa ibang lalawigan sa Hilagang Luzon at maging sa Metro Manila, dagdag ng forecaster.

“These (rain) won’t be strong and will only be brief,” aniya.